حبي غير



 
الرئيسيةمكتبة الصورس .و .جالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» النملة والحمامة
الثلاثاء مارس 04, 2014 1:49 pm من طرف randa

» أجب بـ ( نعم ) أو بـ ( لا )
الإثنين فبراير 08, 2010 6:01 pm من طرف šάяάђ

» لعبة شو يقربلك هالاسم
الإثنين فبراير 08, 2010 5:59 pm من طرف šάяάђ

» 7 انواع حلى قهوه .....بسيط ولذيذ
الإثنين فبراير 08, 2010 5:58 pm من طرف šάяάђ

» طريقه عمل الكبسه ....مررررره لذيذه
الإثنين فبراير 08, 2010 10:34 am من طرف همس الناي

» قصة شاب يازل زوجة إمام المسجد
الأحد فبراير 07, 2010 2:49 pm من طرف همس الناي

» فضل الوضوء قبل النوم ــ الله أكبر أين نحن عن هذه المعلومه ؟؟‎
الإثنين ديسمبر 07, 2009 1:14 pm من طرف šάяάђ

» فوائد الملح للجماال
الخميس ديسمبر 03, 2009 12:14 am من طرف šάяάђ

» دليل المطاعم....في السعوديه...!!!!!!!!!!!!!‎
الخميس ديسمبر 03, 2009 12:05 am من طرف šάяάђ


شاطر | 
 

 يابنات اتخيلوا انكم اولاد.....................يالطيف

اذهب الى الأسفل 
كاتب الموضوعرسالة
روميو القايله
عضو مبتديء
عضو مبتديء
avatar

ذكر
عدد الرسائل : 20
العمر : 30
تاريخ التسجيل : 14/11/2008
التقييم : 3599

مُساهمةموضوع: يابنات اتخيلوا انكم اولاد.....................يالطيف   الجمعة نوفمبر 14, 2008 7:36 am

يابنات اتخيلوا انكم اولاد.....................يالطيف

--------------------------------------------------------------------------------

السلام عليكم ورحمة الله وبركاته....


تخيلي يوم من الأيام..
بسم الله عليكـ...
أنا ما اتفاول عليكـ..
بس مجرد خيــــال...


تخيلي يوم قمتي من النوم انتي ولد
وحياة البنات خلااااااص راحت..


وش بتسوين ؟!!......


قمتي عليك ثوب نوم عقب القميص


ناظرتي نفسك في المرايه وأرتعتي


وش ذا الشنب ؟!......
ووين شعري ؟!.......
بعدين تذكرتي
ايــــــــــــه صح...أنا ولد..


رحتي للحمام وانتي بكرامه شفتي نفسك مع المرايه
شفتي دقن طالع لك
مسكتي مكينة الحلاقه
بتعرفين تستخدمينها ؟؟!!!!!!....


لعوطتي الدنيا وطلعتي أهم شي شلتي الدقن لو بالحلاوه



قمتي فتحتي الدولاب شفتي الدولاب كله ثياب تتشابه


وين الفساتين؟!
والتنانير؟!
والتي شيرتات؟!
والبناطيل؟!
والقمصان؟!
والجلابيات؟!
والشناط؟!
والمكياج؟!
ولالكسسوارات؟!


بعدين تذكرتي
ايــــــــه صح.. أنا ولد.....
وطلعتي ثوب ابيض ولبستيه وطلعتي شماغ ولبستيه
وأخذتي جوالك..
ولقيتي فيه مسج من ولد جيرانكم
كنتي قبل تستحين منه وعاجبك شكله والحين راسل لك مسج..
وش بتسوين؟!!!!!....


أخذتي بوكك بس أنتبهتي لشي بجنب الجوال والبوك
مفاتيح؟!!!!!!....
اللــــــــه ونــــــــاسه يعني بتسوقين؟!!
حلــــو يازين حياة الأولاد
أخذتي المفاتيح مبســــــــوطه ومن قدك مفاتيح سيارتك معك
وأنتي على الدرج سمعتي أمك تناديكـ...
لحظه......



وش أسمكـ؟!!!!!!!!!!......


يالله أختاري..
خالد..
فهد..
نواف..
سعود..
نايف..
طلال..
فيصل..
زياد..
يزيد..

طيب بنتخيل اسمك يزيد..


نادتك امك: ولــــيد وأنا امك خذ الاغراض وركبها في السياره علشان اليوم فيه أستراحه مع خوالك
ناظرتي الأغراض
كل شنطه أكبر من الشنطه الثانيه...
وش بيشيل ذي؟!!!!!!!.......
خلاص ياوليد أنتي رجال وهالشي بسيط بالنسبه للأشياء الجايه...


خذتيها وطلعتي في الشارع وحطيتي الشنطه في السياره بصعووووبه...


لحظه..


لحظه..


ما انتبهتي على شي؟!!!!!!......




أنتي بدووون عبــــايــــه..



يــــــــاااااااااااااااا اي ونااااااااااااااااااااااا ااااا نسه...




لحظه وش ياي هذي؟!!


هذي حركات دلع
قول
ياااااااااااااااااااااااا ااااا هــــــــــــووووووو ووووو..................






ركبتي باقي الأغراض وجلستي ساعه في السياره تنتظرين خواتك


رحتي تشوفين وش أخرهم


لقيتي وحده حاطه اللفافات في شعرها


وحده تحط مكياج


وحده محتاره بين تنورتين


ووحده تتبخر..


حنيــــــــتي لها الحركات


بس سويتي نفسك يعنني رجال


ضحكتي بسخريه: ههههه أما انتم يالبنات عليكم حركااااااات


المهم خلصو
وطلعو


ركبتي السياره بتسوقين..


من قدك أنتي عند الباب..



مشيتي بالسياره
وبعد طريق طويل وقفتي عند أشاره


التفتي شفتي شااب في سيارته يقطــــــــــــع القلب



أطلقتي صفاره لاأرادي


وبققتي عيونك


لحظه..
لحظه..


خلي عيونك قدام
أنتي رجااااااال...


بلاش حركات البنات
حدكـ البراقع..



وصلتو عند الأستراحه
نزلتي الأغراض لأهلك


ركبتي السياره


سمعتي صوت خشن ينادي: ولــــــــــــييد........



التفتي لقيتي عيال خوالك جالسين يناظرونك..


وكلهم يمشوون جايينك..


وش بتسوين؟!!!!!!!!!!!!!!!!.......


المشكله انك تستحين عيال أقاربك


جو وسلمو عليك


واحد يقول: وينك ياوليد مختفي ماتنشاف


وواحد يقول: من طول الغيبات جاب الغنايم


والثاني يقول: ولا بعد ناوي تنحاش


وثالث يقول : أسفهم بس وعلمنا وش أخبارك


وأنتي حظرتك منزله راسك


مستحيه
ووجهك طماطه


واحد قال: وش فيك يابو الشباب تغيرت علينا


رفعتي راسك وجلستي تطالعينهم


هذا أحلو..
وهذا طال..
وهذا مسمر..
وهذا من عرفته وهو شين..
وهذا فلانه تحبه ..



يوم كنتي بنت عارفه اسرار البنات كلها


قلتي في نفسك لما جى واحد ثاني
"يألــــــــلــــــــه هذا تغيــــــــر"


كان خبرتك في عيال خوالك زينه قولي من هذا؟!



سألتيهم بعد تردد: هذا ولد خالي مـ......



وسكتي...




وش هالصوت؟!!!!...




خشــــــــــــن...



هم أنتظروك تكملين جملتك


بس أنتي واقفه ومطيره عيونك


عرفك على نفسه


وجلسو يسولفون مع بعض


أنتي أعتذرتي وقلتي أنا مواعد الشباب في استراحه



رحتي وأنتي كارهه نفسك


وش هالعيشه؟!!!!



مشيتي بالسياره..




وين بتروحين؟!




ماعندك اصدقاء..



أنتي طلعتي من عند خوالك علشانك مليتي من سواليفهم



سواليف الشباب بايــــخه




وين تروحين؟!



بيت عمك


خلاص بنت عمك ماعادها صديقتك


بيت عمتك خلاص بنت عمتك تستحي منك


وين تروحين؟!؟




عيال عمك مجتمعين تروحين عندهم؟!



صعبه
توك لين الحين تستحين



جلستي تدورين بالسياره


وأنتي عارفه ان بنات خالك مجتمعين في الاستراحه


وأكيد وناسه



وبنات عمانك بيجتمعون في بيت وحده من عماتك



وأكيد الجلسه فله


جلستي تدورين بالسياره
كارهه نفسك


صوتك..
جسمك..
شعرك..
خشونتك..
شواربك..
يدينك..
رجولك..
لبسك..


كل شي فيك كارهته



وقفتي السياره على جنب لأنك تعبتي


ماتدرين لوين رايحه


رن جوالك وكان منور بأسم واحد من اصدقاء أخوك



ماقدرتي تردين


قلتي في نفسك
" والله زمــــان
هذا قبل كان عاجبني وكنت إذا عرفت انه بيجي لبيتنا تفننت بالطبخات..ومابقى شي من أدوات التجميل الا وحطيتها.. "


رن للمره الرابعه بس ماكنتي تردين
بس في الأخير رديتي
وأنتي كارهه هالصوت عقب الصوت البناتي


: الو
قال: الو.. اهلا أبو الشباب وينك ياخوك عن الجوال
: كنت في البقاله وهو في السياره
قال: وش أخبارك؟!
: ماشي الحال..أنت وش أخبارك؟! وش أخبار الشباب؟!
قال: كلنا بخير ويسلمون عليك
..ها ياخوك وين أرضك؟؟
: والله جالس أدور ماعندي شي.
قال: تعال عندنا في أستراحتنا كل الشباب جالسين
: أخوي فيه؟!
قال: لا.. أخوك يقول انك مع خوالكم في أستراحه
: ايه..بس طلعت
قال: اجل حالف أنك تجي تتعشى معنا


أنتي هنا استحيتي
: لا الله يسلمك هذا انا عند باب أستراحه مع ربعي
قال: براحتك..يسلمون عليك التماسيح الي عندي
: ههههه الله يسلمكم من الشر
قال: توصيني شي؟!
: سلامتك ياخوك..
قال: الله يسلمك يارب.. يالله اجل مع السلامه
: هلا والله


سكرت السماعه
أنتي عارفه ان الكل يحاول يساعدك على أنك تتأقلمين مع الجو


بس أنتي الي ماحبيتي هالعيشه


عيشة الشباب



أكيد مشتاقه تفضفض لصديقتك


بس خلاص هي تعتبرك غريب



رن جوالك منور بأسم ولد عمك


مارديتي



لأنك عارفه إن بنت عمتك تحبه


وحسيتي وقتها وكأنك بتخونينها


بعد ماشفتيه مصمل على المكالمه
رديتي
:الو
قال: اهلا بولد العم
: هلا
قال: كيفك؟! وش أخبارك؟! بشرنا عنك؟!
: تمام بخير..أنت شلونك؟!
قال: الحمد لله.. وينك ياشين؟!
: هههه.. انا ضايع يالأطخم
قال: أفا.. ضايع!! وين يعني؟!
: ضايع في هالدنيا.. في هالعيشه..عيشتكم
قال: أتعوذ بالله من الشيطان..ولاعاد تقول مثل هالكلام.. وأنت مو أول ولا أخر واحد يصير معه كذا
: اعوذ بالله
قال: ولا يهمك يالحبيب .. تعال شفنا انا وعيال عمانك في بيتنا تعال عندنا والله الجلسه وناسه وماناقصنا الا انت
: بس أنا مواعـ ـ ـ ـ....
قاطعك: لا تكذب أخوك توه جاي من عند خوالك ويقول انك قايل هذا الكلام ويقول أخوك ان ماعندك ربع..تعال بس
: لا لا انا مواعد واحد ماتعرفونه
قال: شف إما تجي ولا رح لبيتكم وذاكر ترى الاختبارات على الأبواب وخلاص انت ولد ماعاد فيه أنا بنت إذا حصلت لي الجامعه ولا بتزوج..لا الحين مجبور جامعه يعني جامعه..


أكيد ضقتي لما تذكرتي هالشي


قال: يا تجينا يا تروح بيتكم أختار يالشين
: خلاص بأجي
قال: ايه خلك كذا ياشيخ ماينفع معك الا ولد عمك
يالله يابوي جب معك حب مصري مع السلامه


سكر السماعه وأنتي تفكرين وش بتقولين في هالجلسه؟!
وش لون بيستقبلونك؟!..
بتستحين ؟!!!!...
ولا بوجود أخوك بتتجرأين؟!!!


على فكره بيت عمتك قبال بيت عمك وبيت عمتك البنات فيه وبيت عمك الشباب فيه


صعب الموقف
صعب



مريتي البقاله وشريتي حب مصري
ورحتي لهم


وقفتي قبال بيت عمك وقلبك مع بيت عمتك
انتبهتي لبنات يطلون عليكـ من الشباك


قبل كنتي معهم الحين مع الشباب


وتمنيتي أنك بنت
مثل ماكنتي من قبل تتمنين أنك ولد


دخلتي عند الباب
اول مادخلتي
: السلام..


كانو متحمسين يشوفونك لدرجة ان ماحد رد السلام الا اخوك


أستحيتي من نظراتهم


بعدين رد ولد عمك السلام
وكأنه يذكرهم


قام ولد عمي وقال: حياك تفضل
وجلستي جنب أخوك
وأخوك كل أشوي يهدي من أرتباكك
بس كيف بترتاحين وهذيلا نظراتهم كذا


طبعا المجلس كان شبه مجلس أو بقايا مجلس


لأنه قمه في الوساخه
بعكس جلسات البنات


كان ودك تقومين وتنظفينها بس منحرجه


لعبو بلوت سولفو
وضحكو
بس أنتي ماحبيتي الجلسه ابدا ابدا ابدا





وفجأه..............



قمتي من النوم عليك قميص بدال ثوب النوم


ناظرتي نفسك على المرايه


هذا شعرك......


وراح شنبك........



فتحتي الدولاب
فساتينك
تنانيرك
تي شيرتاتك
بناطيلك
وكل ملابسك موجوده


أحترتي بين تنورتين
لففتي شعرك
تمكيجتي
تبخرتي


جى أخوك وضحك بسخريه: أما أنتم يالبنات عليكم حركات


خذتي جوالك لقيتي مسج من بنت جيرانكم


نزلتي لقيتي أخوك يشيل هالشناط


لبستي عباتك وطلعتي


((( بعباتك )))



وأنتم عند الأشاره شفتي واحد يقطع القلب
وأشرتي لأختك علشان تشوفه
بس من دون مايدري هالزين


وصلتو للأستراحه
شفتي العيال عند الباب وعطيتيهم أشكل
ودخلتي وجلستي مع بنات خوالك وكانت الجلسه ونــــــــــــاسه


دقيتي على أخوك يوديك لبيت عمتك لان البنات مجتمعين


ووافق


يــــــــاااااااااااااااي ونــــاسه


ياي مو ياهووه..


رحتي لهم وكانت الجلسه فله والصاله الي جلسو فيها تبرق من النظافه

شاكر لكم


هههههههههههههههههههههههههههه

روميو القايله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام ليان
عضو نشيط
عضو نشيط


انثى
عدد الرسائل : 110
العمر : 29
تاريخ التسجيل : 07/11/2008
التقييم : 3704

مُساهمةموضوع: رد: يابنات اتخيلوا انكم اولاد.....................يالطيف   الجمعة نوفمبر 14, 2008 7:45 am

بصراح مره حلوالموضوع بس مااتخيل نفسي يوم من الايام اني ولد kljuhio
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روميو القايله
عضو مبتديء
عضو مبتديء
avatar

ذكر
عدد الرسائل : 20
العمر : 30
تاريخ التسجيل : 14/11/2008
التقييم : 3599

مُساهمةموضوع: رد: يابنات اتخيلوا انكم اولاد.....................يالطيف   الجمعة نوفمبر 14, 2008 7:47 am

ليش شدعوه حنا فينا شي ام ليان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام ليان
عضو نشيط
عضو نشيط


انثى
عدد الرسائل : 110
العمر : 29
تاريخ التسجيل : 07/11/2008
التقييم : 3704

مُساهمةموضوع: رد: يابنات اتخيلوا انكم اولاد.....................يالطيف   الجمعة نوفمبر 14, 2008 7:56 am

لاالعفوبس انا عجبتني انوثتي ليش افكر اني اكون يوم من الايام ولدواغير حياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
₪нόвί ģέέя₪
LOVE IS A BURNING THING
avatar

انثى
عدد الرسائل : 813
العمر : 32
الموقع : حبي غير
رقم العضويه : 1
تاريخ التسجيل : 13/10/2008
التقييم : 4102

مُساهمةموضوع: رد: يابنات اتخيلوا انكم اولاد.....................يالطيف   الأحد نوفمبر 16, 2008 8:14 pm

ههههههه
مره حلوو..

بس انا مثل ام لياان..ما اتخيل نفسي ولد madrym

روميو..

مشكور على الموضوع الحلو..
دمت

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hobi-geer.hooxs.com
همس الناي
ام خلوودي
avatar

عدد الرسائل : 1219
العمر : 34
رقم العضويه : 4
تاريخ التسجيل : 23/10/2008
التقييم : 4486

مُساهمةموضوع: رد: يابنات اتخيلوا انكم اولاد.....................يالطيف   الثلاثاء نوفمبر 18, 2008 5:35 pm

مشكور روميو على الموضوع....كل شخص اكيد معتز بنفسه الولد برجولته والبنت بأنوثتها الا القليل اللي عندهم نقص الله لايقربنا منهم No

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يابنات اتخيلوا انكم اولاد.....................يالطيف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حبي غير :: ღ๏ـآلـمـنـتـديـآت ـآلـتـرفيـهـيـة๏ღ :: الفرفشه وِالضحكـ-
انتقل الى: