طريقه عمل الكبسه ....مررررره لذيذه

اهلين حبايبي انا لي فتره اجرب وصفات الكبسه من النت من هنا وهنا الين طحت بوصفه مره لذيذه وحبيت انكم تجربونها زيي انا سويتها بالدجاج بس مافي مشكله الواحد يسويها لحم

جيبي قدر وحطي فيه الاتي 3 بصل مقطع مكعبات 3 فصوص ثوم مفرومات و1 طماطم حمممممرا
مقطعه مكعبات

ضعي الان 4مكعبات ماجي م ك ملح صيني م ص كمون ونص م ص فلفل اسود مطحونات و2م ك ملح خشن و2 م مليانه صلصه افضل صلصة العلالي وحطي بهارت عدله اللي هي قرفه + قرنفل +هيل صبي عليهن زيت وكثريه شوي واحمسيييييه حركيه وقلبيه خليه على نار هادئه لحد ماتذوب البهارات والطماطم

بعد كذا اضيفي الدجاج اوقطع اللحم حركي قلبي وخليه يتسبك اذا تبين الكبسه يصير لونها بني احمسيه لحد مايحترق شووووووي

اضيفي الماء الى ثلاث ارباع القدر وضعي 2 ليمون اسود عدل خلييييييه يطبخ على نار متوسطه حتى استوااااء اللحم او الدجاج ومري عليه بين فتره والثانيه لاتنسينه عشان ماتنشششششف المرقه وتخررررب الكبسه

تكونييين منقعه 3 اكواب مليانه ارز بماء مغلي لمدة نص ساعه
وترى نوع الرز له دور كبيييير بانجاح اوفشل الكبسه انا استخدم رز المهيدب نوعه عنبر ومو ضروري المهيدب اي نوع عنبر(بشاور)..... لان فيه نوع اخر اسمه مزه ايضا من المهيدب

طلعي اللحم او الدجاج خوذي ملئ مغرفه وحطي 1 م صلصه وعصير نص ليمونه وشوييييي زيت ذره وادهني اللحم او الدجاج وحمريييه بالفرن

الان الرز صفيه من المويه وضعيه على مرق اللحم بحيث تكون كمية الماء مناااااسبه للرز يعني ماهو كثيييير ولا شوووووي عشان ماتتوهقين افضل طريقه استخدمي الملعقه يعني اذا صبيتي الرز بماء اللحمه حركيه لحد مايتساوى وحطي الملعقه بالوسط بحيث تكون تتمايل شوووي معنى ذلك ان الماء مناسب اما اذا ثبتتتت بقوه معناته يحتاج الرز لقلييييل من المويه اما اذا طاحت الملعقه بالقدر معناته المويه كثثثيره فتشيلين كم مغرفه منها ذوقي المرقه لاااازم يكون الملح طالع لان الرز يمتص الملح

اضيفي فلفل اخضرعدل (حبحر) حار خلي الرز بالبدايه على نار عااااليه خللك عنده لاتبعدييين لحد مايشرب الرز الماء تماما قصري عليييه فوووورا عشان مايحتررررق اذا احترق خربت عليك الكبسه وخليه على نار هاااادئه

في هذه الاثناء تكونين مقطعه 4بصل وسط مكعبات ضيفي عليه زيت ذره وحطي الاتي 2 م ص ليمون اسود مطحون و1 م ص كمون و2 م ص هيل مطحون و2 م ص قرفه مطحون وم ص كركم احمسيه على نار هادئه وحركيه وقلبيه وغطيه وخليييه يتسبك لحد مايستوي البصل تماما اذاحبيتي اضيفي الزبيب على البصل

ضعي البصل على وجه الرزبعد مايشرب الرز الماااء تماااما وغطيه مدة ساعه ثم صبيه
اولا شيلي خلطة البصل على جنب وصبي الرز بصحن التقديم ثم زينيه بالبصل وقدميه وبالهناء والعافيه

انا افضل اذا سويتي كبسة اللحم نفس الطريقه لكن لاتحطين طماطم ولا صلصه ولا ماجي استبدليه بالماجي الابيض و 2 م ص اجي (ملح صيني) اكتفي بالبهارات العدله لاتحطين مطحونه حتى تاخذ اللون الابيض وحمري اللحم بنفس الطريقه السابقه ولك حرية الاختياار بس هاه اذا سويتيها قوليي لي رايك فيها وبالتوفييييق