حساب الإحتياج اليومي للسعرات الحراريه

طبعا بحثت ولقيت وحده من الاخوات شرحت بالتفصيل بس انا طبعا زدت عليه اشياء
السلام عليكم ورحمة الله وبركاته

اكيد كل شخص بدين او غير بدين لازم تكون عنده المعرفة التامة بعدد السعرات الداخلة والخارجة من جسمه
وذلك لاستعمالها سواء في انقاص الوزن او المحافظة على الوزن

ولما شفت انه الاغلب بما فيهم انا ما عنا هذه المعرفة بحثت طويلا على الانترنت وخرجت بعدة طرق لحساب هذه السعرات واستغلالها للمحافظة على الوزن او فقدانه

اهم شيء لازم نعرفه انه بعد حساب السعرات اليومية نعمل على انقاص 1000 سعر يوميا لخسارة كيلو واحد كل اسبوع
حيث ان الكيلو يساوي 7000 سعر تقريبا وباجراء قسمة بسيطة لنخسر كيلو في تسبوع يجب ان نحرق او نوفر 1000 سعر يوميا
وهذه اكثر طريقة صحية ومضمونة ودائمة لخسارة الوزن
مع مراعاة انه السعرات النهائية الداخلة لجسم الانسان عن طريق الغذاء يجب ان لا تنخفض يوميا عن 1200 سعر لان ذلك سوف يكون على حساب بعض المغذيات المهمة وهذا ضار لجسم الانسان

ورح ييجي ناس يحكوا انه نحنا رح ننقص اكتر من 1000 سعر وننقص اكتر من كيلو اسبوعيا
وهذا شي غلط
لانه جسم الانسان لا يمكن ان يخسر اكثر من كيلو واحد دهن اسبوعيا
اذا خسر اكتر رح يكون من الماء ونسيج العضلات وهذا شيء غير محبذ ابدا

اذا كلنا لازم نقتنع بغكرة الخسارة البطيئة الدائمة على المدى الطويل
ونتخلى عن فكرة الخسارة السريعة الزائلة سريعا
وهذه شفتها احسن وادق طريقة لانها بتراعي كل الاختلافات
الوزن
الطول
العمر
الجنس
عدد السعرات الفعلي المحروق من الرياضة
وانا طبقتها على بياناتي ورح اعتمدها دائما
نبدا بالطريقة
الوزن: 94
الطول : 159
1) نحسب BODY MASS INDEX
وهو معامل كتلة الجسم= الوزن/ مربع الطول بالامتار
=94/(1.59 *1.59)
=37.2
والنسبة عالية اذا لازم تخفيض الوزن لانه النسبة الطبيعية بتتراوح ما بين 20-25

2) نحدد مقدار النزول في الاسبوع
انا بدي انزل كيلو كل اسبوع

3) تنظيم خطة للرياضة وتحديد الكالوري المحروق
انا بمشي 6 مرات اسبوعيا لمدة ساعة
وبلعب تمارين قوة لكل عضلة 3 مرات اسبوعيا

وبالنسبة لوزني هيك تمارين بتخليني احرق 2910 كالوري كل اسبوع
(ملاحظة انه الحرق بيختلف من شخص لشخص وكل ما زاد وزن الشخص بزيد مقدار الحرق عنده)

4) تحديد السعرات الاساسية للجسم
وشرحنا عن السعرات الاساسية بالطريقة الاولى
اما في هذه الطريقة لدينا معادلات نعمل على تطبيقها
معادلة للنساء
ومعادلة للرجال
FEMALE : BEE = 655 +(9.8 x W) +(1.7 x H)-(4.7xA) =
MALE : BEE = 66 + (13.7 x W) + (5 x H) - (6.8xA)=
ونحنا هون رح نطبق معادلة النساء
السعرات الاساسية = 655+(9.6 * الوزن بالكيلوغرامات) + (1.8 * الطول بالسنتيمترات ) - (4.7 *العمر بالسنوات )
وبتطبيق بياناتي
بيطلع عندي
655+902.4+286.2-131.6
= 1712 سعر حراري اساسي بالنسبة لجسمي

5) كونه جميع البشر حاليا نمط حياتهم متقارب نوعا ما يعني مو متل ايام زمان
فالرقم الي طلع معنا بالخطوة 4 بنضربه بــ 1.2
عدد السعرات الاساسية*1.2
=1712 * 1.2
= 2054.4 سعر حراري يومي
هذه عدد السعرات بالنسبة لحياتي الحالية بدون رياضة
اذا اكلت اكتر منها رح ازيد
واذا اكلت اقل منها رح انقص
واذا بدي انقص كيلو كل اسبوع بدون رياضة بنقص منها 1000 سعر
وبيطلع لازم استهلك يوميا
2054.4 -1000 = 1054.4 سعر حراري وهي كمية قليلة اولا
ثانيا رح اخسر فوائد الرياضة من شد ونحت للجسم
فبعمل على ادخال الرياضة لبرنامجي لانه كل ما لعبت رياضة بتزيد كمية الكالوريات الي مفروض استهلكها وبنشوف الخطوة السادسة

6) نحدد الاحتياج اليومي من السعرات مع لعب الرياضة
بالخطوة التالتة طلع انه انا بحرق 2910 كالوري اسبوعيا بسبب الرياضة
بقسم الرقم على 7 لايجاد كم بحرق يوميا
2910 /7
=415.7 سعر حراري بحرقه يوميا بسبب الرياضة
ولايجاد احتياجي اليومي من السعرات مع لعب الرياضة
بجمع الخطوة الخامسة مع الحرق بسبب الرياضة
415.7 + 2054.4
= 2470.114 سعر حراري
هو احتياجي اليومي من السعرات للمحافظة على وزني الحالي دون زيادة او نقصان مع المحافظة على التمارين الرياضية طبعا
اذا اكلت اكثر من 2470.114سعر رح ازيد
اذا اكلت اقل رح انقص
مع النظام الرياضي طبعا لانه انا دخلت سعراته بالمعادلة

7)كوني بدي اخسر كيلو كل اسبوع فلازم كل اسبوع استغني عن 7000 سعر حراري
بمعنى لازم استغني عن 1000 سعر حراري يومي
اذا لازم آكل بما قيمته
2470.114 - 1000 = 1470.114 سعر حراري يومي مع الرياضة

8) الرقم بالخطوة السابعة بنحاول نعمل منه مدى لكمية السعرات اللازمة
فبنطرح منه 250 كاولوري
وبنزيدله 100 كالوري
والنتيجه
1470.114 -250 =1220.114
1470.114+100 =1570.114

9) نقرب الى اقرب رقم
وبيطلع انه لازم استهلك يوميا
بحدود 1220-1570 سعر حراري لانقص بالاسبوع بحدود الكيلو

10) ابدا ما بنعمل حمية اقل من 1200 كالوري لانها مضرة بالصحة

مشكورة همس والله معادلات صعبة بصراحة انا بديت استوعب من الخطوة الخامسة بس طلعت بالزبدة انو لازم نقلل السعرات الحرارية اليومية ونعمل رياضة وخلاص ..

هههههه انتي جيبي ورقه واكتبي خطوه خطوه وبتطلعلك ........